Operacioni policor u zhvillua nga specialistët e Sektorit për Hetimin e Narkotikëve në bashkëpunim me shërbimet e Forcës së Posaçme “Shqiponja”. Sipas njoftimit zyrtar, i riu u kap në flagrancë teksa posedonte lëndët narkotike të ndara në doza, të cilat dyshohet se kishin për qëllim shitjen në zona të ndryshme të qytetit të Durrësit.
Materialet procedurale në ngarkim të shtetasit J. K. i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme penale. Çdo person prezumohet i pafajshëm derisa të provohet fajësia e tij me vendim gjyqësor të formës së prerë.
Përditësime
Autoritetet policore koduan operacionin si 'Pikat'. Hetimet zbuluan se i riu, banues në zonën e Shkozetit, posedonte gjithsej 297 doza lëndësh narkotike. Sekuestrimi përfshin 129 doza heroinë dhe 168 doza kokainë, të kapura gjatë arrestimit në lagjen nr. 16 të Durrësit.