Drejtoria Vendore e Policisë Dibër arrestoi në flagrancë shtetasin L. P., 20 vjeç, banues në Bulqizë, për veprën penale të prodhimit dhe shitjes së lëndëve narkotike.
Ngjarja ndodhi në ambientet e lokalit të tij në qytetin e Bulqizës. Seksioni për Hetimin e Narkotikëve, në bashkëpunim me Komisariatin e Policisë Bulqizë, kryen një kontroll të befasishëm bazuar në informacione operative.
Gjatë kontrollit fizik të shtetasit dhe në ambientet e lokalit u gjet një sasi lënde e dyshuar narkotike kokainë, e ndarë në doza gati për shitje, si dhe një shumë parash që dyshohet se janë përfituar nga kjo veprimtari e paligjshme.
Pas veprimeve të para hetimore, policia e vuajti në pranga L. P.. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër për veprime të mëtejshme.
Ky arrestim vjen në kuadër të goditjeve të njëpasnjëshme të policisë ndaj rasteve të shitjes së lëndëve narkotike në zonë.