Policia e Vlorës ka arrestuar në flagrancë shtetasin J. K., 22 vjeç, banues në fshatin Dhërmi, për veprat penale “Prodhimi dhe mbajtja pa leje e armëve të gjuetisë dhe sportive” dhe “Prodhimi dhe shitja e narkotikëve”.
Shërbimet policore ndaluan automjetin e tij në fshatin Dhërmi. Gjatë kontrollit fizik iu gjetën disa doza kokaine, të ndara dhe gati për shitje. Në automjet u zbulua një pistoletë sportive me municionin përkatës dhe silenciator.
Sipas njoftimit të Drejtorisë Vendore të Policisë Vlorë, specialistët e Seksionit për Hetimin e Narkotikëve vepruan bazuar në informacione operative për goditjen e shitjes së lëndëve narkotike në doza. J. K. identifikohet si Justino Kurti sipas një burimi.
Dozat e kokainës dhe arma u sekuestruan si provë materiale. Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Vlorë për hetime të mëtejshme.