Specialistët e Seksionit për Hetimin e Narkotikëve në DVP Vlorë, në bashkëpunim me Forcën e Posaçme Operacionale, kanë finalizuar operacionin e koduar “Siguria”, duke goditur tri raste të veprimtarive të paligjshme në qytetin e Vlorës dhe zonat bregdetare, si pjesë e masave për mbarëvajtjen e sezonit turistik.
Në pranga kanë rënë shtetasit:
- T. P., 33 vjeç, banues në Vlorë, me precedentë të mëparshëm penalë në fushën e narkotikëve. Gjatë kontrollit në automjet dhe në banesën e tij, policia gjeti një pistoletë, një krehër, 44 fishekë luftarakë, si dhe doza kokaine të gatshme për shitje.
- A. C., 18 vjeç, banues në Vlorë, i cili u kap në flagrancë në Dhërmi. Atij iu gjetën sasi lëndësh narkotike kokainë dhe cannabis sativa, të cilat dyshohet se synonte t'i shpërndante në zonat turistike dhe në qytet.
Policia theksoi se kontrollet për garantimin e sigurisë publike do të vijojnë në të gjithë territorin e qarkut. Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Vlorë për hetime të mëtejshme.