Specialistët e Seksionit për Hetimin e Narkotikëve të Drejtorisë Vendore të Policisë Vlorë, në vijim të punës hetimore për goditjen e veprimtarive kriminale në fushën e narkotikëve, arrestuan në flagrancë dy shtetas.
Ngjarja ndodhi në fshatin Gumenicë, ku shërbimet policore ndaluan automjetin e drejtuar nga H. M., 30 vjeç, banues në fshatin Gjormë, dhe bashkëpunëtorin R. L., 27 vjeç, banues në fshatin Ramicë.
Gjatë kontrollit në automjet, policia gjeti rreth 800 gramë lëndë të dyshuar narkotike cannabis sativa, e cila dyshohet se poseditej me qëllim shitjen.
Nga verifikimet rezultoi se R. L. ishte shpallur në kërkim për veprat penale "Kanosja" dhe "Mbajtja pa leje dhe prodhimi i armëve, armëve shpërthyese dhe municionit". Ai dyshohet se më datë 16.03.2026 ka kanosur me armë zjarri kallashnikov shtetasin A. B..
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprën penale "Prodhimi dhe shitja e narkotikëve".
Përditësime
Policia e Vlorës vendosi një pritë për dy të rinjtë e arrestuar. Një video tregon momentin e vendosjes së prangave.