Në vijim të punës intensive për parandalimin dhe goditjen e veprimtarive kriminale në fushën e narkotikëve, shërbimet e Forcës së Posaçme Operacionale të DVP Vlorë, në bashkëpunim me specialistët për Hetimin e Narkotikëve, arrestuan shtetasin S. K., 22 vjeç, banues në Vlorë.
Ky shtetas u ndalua në lagjen "Pavarësia". Gjatë kontrollit fizik iu gjet një sasi lënde e dyshuar narkotike Cannabis Sativa. Në vijim, gjatë kontrollit në banesën e tij u gjet një tjetër sasi lënde e dyshuar narkotike Cannabis Sativa.
Nga hetimet dyshohet se S. K. e posedonte lëndën narkotike me qëllim shitjen në qytetin e Vlorës.
Materialet procedurale iu referuan Prokurorisë së Vlorës për veprime të mëtejshme, për veprën penale "Prodhimi dhe shitja e narkotikëve".