Shërbimet e Forcës së Posaçme "Shqiponja" të Policisë së Vlorës arrestuan mbrëmjen e 11 prillit 2026 17-vjeçarin D. M. dhe proceduan në gjendje të lirë një 16-vjeçar, të dyshuar për shpërndarje lëndësh narkotike te adoleshentët.
Ngjarja ndodhi në lagjen "Pavarësia" të Vlorës. Kontrollet u ushtruan në akset kryesore dhe zona të qytetit, bazuar në informacione për dy të mitur të dyshuar si shpërndarës narkotikësh.
Gjatë kontrollit fizik ndaj 17-vjeçarit D. M., në çantën e tij (marsup) dhe mbajtësen e kufjeve u gjetën 10 doza të mbështjella me qese plastike, të dyshuara si kokainë. Në xhepin e tij u gjet një sasi kanabisi, e mbështjellë me letër alumini.
Të gjitha materialet u sekuestruan në cilësinë e provës materiale. Specialistët për Hetimin e Narkotikëve në Drejtorinë Vendore të Policisë Vlorë kryen veprimet procedurale dhe i kaluan materialet Prokurorisë së Vlorës për veprën penale "Prodhimi dhe shitja e narkotikëve".
Hetimet vazhdojnë për të verifikuar lidhje me rrjete të tjera shpërndarjeje.