Drejtorinë Vendore të Policisë Korçë (DVP Korçë), në bashkëpunim me shërbimet e Forcës së Posaçme "Shqiponja", arrestoi në flagrancë shtetasin E. Xh., 32 vjeç, banues në fshatin Podgorie, Maliq.
Ngjarja ndodhi në një lokal në të njëjtin fshat, pas informacioneve të siguruara në rrugë operative për posedim armë zjarri pa leje. Gjatë kontrollit fizik iu gjet një pistoletë me fishekë, e ngjashme me stilolapsin, e cila u sekuestrua në cilësinë e provës materiale.
Specialistët për Hetimin e Krimeve të Komisariatit të Policisë Maliq kryen veprimet e para. Shtetasi akuzohet për veprën penale “Mbajtja pa leje dhe prodhimi i armëve, armëve shpërthyese dhe i municionit”. Materialet procedurale iu referuan Prokurorisë së Korçës për veprime të mëtejshme.
Aksioni u zhvillua në vijim të punës për goditjen e armëmbajtjes pa leje dhe rritjen e sigurisë publike.