Një 32-vjeçar shqiptar u arrestua në Genova të Italisë, pasi në banesën e tij policia gjeti 1.2 kg kokainë të fshehur brenda një jastëku në dhomën e gjumit.
Gjatë monitorimeve në disa zona të qytetit, efektivët e policisë vunë re sjellje të dyshimtë nga 32-vjeçari, i cili shfaqi nervozizëm të dukshëm kur i pa dhe u përpoq të shmangej kontrollin. Pas identifikimit dhe kontrollit fizik, atij iu gjetën rreth 6 gramë kokainë.
Kontrolli i mëvonshëm në banesë çoi në sekuestrimin e 1.2 kg kokainë, 1.200 eurove cash, dy peshoreve elektronike dhe materialeve për paketim droge. Të gjitha materialet u konfiskuan si prova.
Pas përfundimit të procedurave të zakonshme, 32-vjeçari u arrestua dhe u transferua në burgun Carcere di Genova Marassi.