Autoritetet policore në Prizren kanë ndaluar një shtetas kosovar, i cili dyshohet për përfshirje në krime lufte kundër popullsisë civile. Sipas njoftimit zyrtar të Policisë së Kosovës, arrestimi është kryer më 6 qershor 2026.
Hetimet paraprake tregojnë se i dyshuari, në bashkëveprim me zyrtarë policorë të Ministrisë së Punëve të Brendshme (MUP) të Serbisë, dyshohet se ka kryer vepra penale gjatë periudhës 24 prill 1999 – 26 maj 1999.
Pas ndalimit dhe intervistimit nga ana e organeve të drejtësisë, prokurori i çështjes ka marrë vendim që i dyshuari të lirohet në procedurë të rregullt. Policia bëri të ditur se hetimet për zbardhjen e plotë të rrethanave të këtij rasti janë duke vijuar.