Policia e Korçës ka arrestuar më 11 maj 2026 kirurgun Nikolla Nunka, 72 vjeç, pas kallëzimit të një 21-vjeçareje për ngacmim seksual në Spitalin e Korçës.
E reja ishte paraqitur në urgjencë për dhimbje barku dhe të vjella. Pas ekzaminimeve mjekësore, u vendos që ajo të kryente ndërhyrje kirurgjikale për apendicit. Në dëshminë e saj, 21-vjeçarja deklaron se mjeku e ka prekur në pjesë intime gjatë kontrolleve, duke pretenduar se kryente procedura mjekësore.
Sipas disa burimeve, e reja jeton në Gjermani dhe kishte ardhur së fundmi në Shqipëri. Ajo shton se mjeku ka tentuar ta puthë dy-tre herë dhe i kërkonte të hiqte telefonin kur hynte në dhomën e saj, duke penguar regjistrime.
21-vjeçarja vazhdon të jetë e shtruar në Spitalin e Korçës. Policia ka shoqëruar mjekun direkt nga ambientet e spitalit në komisariat, ku çështja ndodhet në fazën paraprake të hetimit.
Burime bëjnë të ditur se Nikolla Nunka ka pasur precedent penal: në vitin 2014, Gjykata e Korçës e dënoi me 2 vjet e 6 muaj burg për korrupsion pasiv dhe iu ndalua ushtrimi i profesionit për 6 muaj.
Prokuroria e Korçës do të vendosë për paraburgimin ose ndjekjen në gjendje të lirë, ndërsa gjykata do të caktojë masën e sigurisë. Çdo person prezumohet i pafajshëm deri në vendim gjyqësor përfundimtar.
Përditësime
Spitali Rajonal i Korçës e pezulloi kirurgun Nikolla Nunka nga detyra deri në përfundim të hetimeves.
- E reja 21-vjeçare mori mjekimin e nevojshëm dhe u largua nga spitali.
- Babi i saj, i kthyer nga Gjermania, deklaroi se mjeku tentoi ta puthë vajzën pas aplikimit të kremit dhe e quajti "pedofil". Ai tha se i kishte dhënë para mjekut, shprehu mungesë besimi në sistem dhe premtoi ta ndjekë çështën deri në fund.