Mjeku kirurg Nikolla Nunka u arrestua në Korçë për akuzën e ngacmimit seksual ndaj një 21-vjeçareje. Pas shoqërimit në komisariat, ai shfaqi probleme shëndetësore dhe u dërgua me urgjencë në Spitalin e Korçës.
Sipas informacioneve, Nunka ka pasur më parë probleme me zemrën. Pas ekzaminimeve dhe EKG-së, mjekët konstatuan probleme kardiake. Kardiologu vendosi shtrimin e tij në spital dhe monitorimin e vazhdueshëm.
Ndërkohë, pritet të vendoset për zhvillimin e seancës së masës së sigurisë, të caktuar për ditën e nesërme. Kjo seancë mund të mbahet në ambientet e spitalit, në varësi të gjendjes shëndetësore të të arrestuarit.
Përditësime
Gjykata e Korçës caktoi masën e sigurisë "arrest në shtëpi" për mjekun kirurg Nikolla Nunka. Seanca u zhvillua me dyer të mbyllura dhe zgjati rreth 2 orë. Prokuroria paraqiti prova që implikojnë Nunkën, e vlerësoi arrestin në flagrancë si të ligjshëm dhe kërkoi "arrest në shtëpi" për shkak të moshës së të akuzuarit. Nunka mbajti qëndrim mohues gjatë seancës dhe marrjes në pyetje. Arrestimi ndodhi 3 ditë më parë, pas denoncimit.