Nasi Hodo, 29 vjeç, i lindur në Sarandë, u arrestua në Belgjikë në kuadër të operacionit të koduar Ndërveprimi. Shërbimet e FAST Albania siguruan informacion për vendndodhjen e tij përmes rrjetit ENFAST dhe e shkëmbyen në kohë reale me partnerët belgë. Si rezultat, policia belge e lokalizoi dhe e arrestoi me qëllim ekstradimin drejt Shqipërisë.
29-vjeçari kërkohej ndërkombëtarisht pasi Gjykata e Vlorës e dënoi në vitin 2019 me 18 vjet burgim për veprat penale «Vrasja me dashje» kryer në bashkëpunim, «Vrasja me dashje» e mbetur në tentativë dhe «Plagosja e lehtë me dashje».
Ngjarja ndodhi në muajin korrik të vitit 2017 në fshatin Borsh të Sarandës. Nasi Hodo, në bashkëpunim me dy shtetas të tjerë, vrau me mjet prerës (thikë) shtetasin P. B. dhe plagosi rëndë shtetasin E. M. gjatë një konflikti për motive të dobëta. Gjithashtu, ai është autor i plagosjes së shtetasit D. K..
Aktualisht, vijon bashkëpunimi ndërmjet Interpol Tiranës dhe autoriteteve belge për të finalizuar procedurat e ekstradimit. 29-vjeçari do të vuajë pjesën e mbetur të dënimit, që arrin në 13 vjet, 6 muaj dhe 27 ditë burgim.
Përditësime
Autoritetet identifikuan viktimat si Premtim Bega, Enea Myftarin dhe Donald Kosta.
Sipas detajeve të reja, viktimat kalonin me makinë pranë lokali ku ndodheshin Hodo dhe Xhonatan Muçaj. Pluhuri nga rruga e prishur u konsiderua i qëllimshëm, duke çuar në ofendim dhe konflikt fizik me thika dhe objekte të forta.
Xhonatan Muçaj rezulton bashkëpunëtor.