Një 23-vjeçar nga Kosova, i identifikuar si G. P., banues në Pejë, u arrestua në flagrancë në Vlorë më 10 mars 2026, rreth orëve të para të mëngjesit, në lagjen “24 Maji”. Ai u kap në momentin kur tentonte të vidhte një automjet tip furgon.
Specialistët e Seksionit për Hetimin e Krimeve në Komisariatin e Policisë Vlorë kryen ndërhyrjen e menjëhershme, duke parandaluar vjedhjen dhe duke e kapur autorin në flagrancë. Gjatë kontrollit personal iu gjet dhe u sekuestrua një thikë në cilësinë e provës materiale.
Nga veprimet hetimore rezulton se i njëjti shtetas dyshohet të jetë autor i një vjedhjeje tjetër, të ndodhur më 6 mars 2026, në një lokal në lagjen “10 Korriku” të Vlorës, ku u mor një shumë parash.
Policia vijon punën për dokumentimin e plotë të ngjarjes dhe verifikimin e përfshirjes së tij në raste të tjera vjedhjeje. Materialet procedurale iu referuan Prokurorisë Vlorë për veprat penale “Vjedhja” dhe “Mbajtja pa leje e armëve të ftohta”.