Shërbimet e Policisë së Vlorës arrestuan në flagrancë shtetasin V. M., 20 vjeç, banues në Vlorë, i dyshuar për vjedhje të një motomjeti. Ngjarja ndodhi rreth orëve të drekës në lagjen "28 Nëntori", ndërsa autori u lokalizua dhe u kap në lagjen "Uji i Ftohtë" falë reagimit të shpejtë hetimor.
Gjatë kontrollit personal ndaj V. M., policia gjeti dhe sekuestroi një përforcues metalik grushti në cilësinë e provës materiale. Gjithashtu, u bë e mundur gjetja dhe sekuestrimi i motomjetit të vjedhur.
Specialistët për Hetimin e Krimeve në Komisariatin e Policisë Vlorë kryen veprimet procedurale, pas të cilave materialet iu referuan Prokurorisë së Vlorës për vijim të hetimeve. Akuzat përfshijnë veprat penale "Vjedhja" dhe "Prodhimi, mbajtja, blerja apo shitja pa leje e armëve të ftohta".