Shërbimet e Drejtorisë Vendore të Policisë Vlorë arrestuan në flagrancë shtetasin E. M., 21 vjeç, banues në Vlorë. Ngjarja ndodhi në lagjen 28 Nëntori.
Bazuar në informacionet e marra në rrugë operative, policia organizoi operacionin për kapjen e personit të dyshuar që lëvizte me armë zjarri. Gjatë kontrollit fizik, iu gjet në brez një pistoletë, e cila u sekuestrua në cilësinë e provës materiale.
Shtetasi u arrestua për veprën penale “Mbajtja pa leje dhe prodhimi i armëve, armëve shpërthyese dhe i municionit”. Kjo ndërhyrje u bë në kuadër të kontrolleve intensive kundër armëmbajtjes pa leje, për parandalimin e ngjarjeve kriminale.
Pas përfundimit të veprimeve procedurale, materialet iu referuan Prokurorisë së Vlorës për hetime të mëtejshme.