Kostandin Nishku, alias Baki Duzha, lindur më 17 tetor 1965 në Gramsh, është arrestuar nga policia greke për t’u ekstraduar në Shqipëri.
Ai u dënua me burgim të përjetshëm më 10 shtator 1998 për veprën penale të "vrasjes për shkak të cilësive të veçanta". Ngjarja ndodhi më 19 mars 1997 në Gramsh, ku Nishku vrau me armë zjarri një djalë 9-vjeçar.
Sipas detajeve, Nishku shkoi në shtëpinë e të miturit për të kërkuar vëllain e tij. E kërcënoi djalin se do ta vriste nëse nuk tregonte ku ndodhej vëllai. Kur 9-vjeçari nuk dha përgjigje, Nishku e qëlloi për vdekje.