Policia arrestoi sot në Tiranë shtetasin Florian Brahaj, 23 vjeç, të shpallur në kërkim për veprën penale "Vrasja me paramendim", mbetur në tentativë dhe kryer në bashkëpunim.
Ngjarja ka ndodhur më 15 dhjetor 2025, në lagjen nr. 9 të Durrësit, brenda ambienteve të një lokali. Sipas hetimeve, Florian Brahaj bashkë me tre shtetas të tjerë tentoi të vrasë me armë zjarri shtetasin Fabion Kuçi, të njohur si "Gucci" i TikTok-ut.
Gjykata e Durrësit, në muajin mars 2026, i caktoi Florian Brahajt masën e sigurisë "arrest në burg". Arrestimi u realizua në kuadër të operacionit të koduar "Akuza", falë koordinimit ndërmjet specialistëve të Seksionit për Hetimin e Krimeve ndaj Personit në Drejtorinë Vendore të Policisë Durrës dhe shërbimeve të Komisariatit të Policisë Kamëz.
Pas prangosjes, materialet procedurale iu referuan Prokurorisë së Durrësit për veprime të mëtejshme hetimore.