Një ngjarje me armë zjarri është regjistruar mbrëmjen e së dielës në zonën e Ali Demit në kryeqytet. Një shtetas ka qëlluar disa herë në ajër, duke shkaktuar shqetësim te banorët.
Pas marrjes së njoftimit, shërbimet e Policisë së Tiranës kanë ndërhyrë menjëherë në vendngjarje, duke bërë të mundur lokalizimin dhe arrestimin e autorit të dyshuar. Gjatë kontrollit, efektivët kanë sekuestruar edhe armën e zjarrit, të cilën personi e mbante pa leje.
Nga të shtënat nuk raportohet për persona të lënduar apo dëme materiale. Grupi hetimor po vijon veprimet për zbardhjen e plotë të rrethanave dhe motiveve të ngjarjes, si dhe për dokumentimin e saj ligjor.
Përditësime
Policia e Shtetit ka arrestuar një 30-vjeçar si autor të dyshuar të të shtënave me armë zjarri në zonën e Ali Demit. Hetimet paraprake tregojnë se i dyshuari ka qenë në gjendje të dehur gjatë kryerjes së veprës penale.