Pas publikimit të pamjeve filmike në rrjetet sociale, autoritetet policore kanë vënë në pranga 32-vjeçarin Gerald Biba, banues në Durrës. Ngjarja ndodhi më 30 maj 2026 në zonën e quajtur Portonovë në Zvërnec, gjatë një tubimi të banorëve kundër projekteve të ndërtimit në bregdet.
Sipas hetimeve, i arrestuari, në bashkëpunim me shtetasit A. G. dhe G. V., të cilët janë proceduar penalisht, ka goditur me grusht shtetasin E. S. dhe më pas e ka tërhequr me forcë drejt zonës së rojeve, duke i shkaktuar dëmtime të lehta trupore.
Ministri i Brendshëm, Besfort Lamallari, dhe Drejtoria e Përgjithshme e Policisë së Shtetit njoftuan nisjen e një hetimi disiplinor nga Drejtoria e Standardeve Profesionale për të gjithë zinxhirin komandues të DVP Vlorë. Ky hetim synon të analizojë masat e marra dhe menaxhimin e tubimit nga ana e forcave të rendit gjatë tensioneve të krijuara midis protestuesve dhe personelit të sigurisë së kantierit.