Policia e Kosovës ka arrestuar shtetasin turk, Shahin Bushi, nën dyshimin për kryerjen e krimeve të luftës në rajonin e Krushës dhe në rrethinën e Prizrenit gjatë konfliktit të armatosur të viteve 1998-1999. I dyshuari akuzohet për pjesëmarrje të drejtpërdrejtë në Masakrën e Krushës, një prej ngjarjeve më të rënda të periudhës së luftës.
Sipas burimeve, i dyshuari u paraqit vetë në Stacionin Policor të Prizrenit, pasi në një emision televiziv u përmend si person i lidhur me formacionet paramilitare serbe, përkatësisht grupin e udhëhequr nga Arkani. Pas ndalimit fillestar nga Prokuroria Themelore e Prizrenit, rasti u transferua te hetuesit e Njësisë së Hetuesisë së Veçantë.
Hetimet po vazhdojnë nga Departamenti për Krime të Luftës, si pjesë përbërëse e Prokurorisë Speciale të Republikës së Kosovës.