Shërbimet e Komisariatit të Policisë Lezhë finalizuan operacionin policor të koduar Kontrolli, në kuadër të kontrolleve për parandalimin dhe goditjen e veprimtarisë së paligjshme të lojërave të fatit.
Gjatë veprimeve operative në disa ambiente në qytetin e Lezhës, në një lokal u konstatuan dy shtetas duke zhvilluar baste sportive përmes aparateve celularë. Në flagrancë u arrestua shtetasi Simon Bibaj, 32 vjeç, banues në Lezhë, ndërsa shtetasi L. R., 31 vjeç, banues në Lezhë, u procedua penalisht.
Nga kontrollet u sekuestruan dy aparate celularë, të cilët përdoreshin për zhvillimin e paligjshëm të lojërave të fatit, në cilësinë e provës materiale. Materialet proceduriale iu referuan Prokurorisë së Lezhës për veprime të mëtejshme.