Policia e Tiranës ka arrestuar në flagrancë shtetasin Xh. Xh., 24 vjeç, në zonën Kombinati, ku ai kishte në përdorim një lokal për ushtrim të paligjshëm të bastesh sportive me celular.
Specialistët për Hetimin e Krimeve të Komisariatit të Policisë Nr. 6 kryen kontrolle në kuadër të operacionit të koduar „Fati i lojërave”, me qëllim evidentimin dhe goditjen e rasteve të përshtatjes së ambienteve për lojëra të fatit të paligjshme.
Gjatë verifikimeve në celularin e të arrestuarit u konstatuan faqe aktive për vënie bastesh sportive, të cilat u sekuestruan si prova materiale.
Materialet procedurale iu referuan Prokurorisë së Tiranës për veprime të mëtejshme.
Policia njofton se kontrollet kundër kësaj veprimtarie do të vijojnë në të gjithë territorin e qarkut të Tiranës.