Gazetari Artan Hoxha është paraqitur këtë të hënë, më 26 janar 2026, në Prokurorinë e Posaçme Kundër Korrupsionit dhe Krimit të Organizuar (SPAK). Ai dorëzoi audio-përgjimin origjinal në lidhje me ngjarjen e 21 Janarit 2011.
Ngjarja e 21 Janarit 2011 shënon protestën e thirrur nga Partia Socialiste para godinës së Kryeministrisë, ku katër demonstrues mbetën të vrarë nga Garda e Republikës. Viktimat ishin Ziver Veizi, Faik Myrtaj, Hekuran Deda dhe Aleks Nika.
Dosja hetimore kaloi në duart e prokurorëve të SPAK-ut që nga 15 korriku 2024. Në kuadër të hetimeve të rihapura, prokurorët kanë marrë dëshmitë e Sali Berishës, ish-kryeministrit, Bamir Topit, ish-presidentit, si dhe të disa zyrtarëve të tjerë të përfshirë në zinxhirin institucional të asaj kohe.
Lajmi konfirmohet nga burime të ndryshme, përfshirë gazetaret Klodiana Lala dhe Anila Hoxha. Disa media raportojnë se Hoxha është thirrur në SPAK, ndërsa të tjerët theksojnë paraqitjen për dorëzimin e provës.
Përditësime
Artan Hoxha deklaroi pas daljes nga SPAK se përgjimi origjinal i diktofoni përmban urdhra të qarta nga komandanti i Gardës para, gjatë dhe pas vrasjeve të 21 Janarit.
Ky përgjim dëshmon se vrasjet u kryen sipas urdhrave dhe hierarkisë komanduese, jo nga pakujdesi.
Kaseta e parë e dorëzuar më parë nuk është ende ekspertuar.