Ministria për Evropën dhe Punët e Jashtme njoftoi se vazhdon të ndjekë me vëmendje dhe prioritet situatën e shtetasit shqiptar Baki Goxhaj, pjesëmarrës në flotiljen “Sumud”, i cili u ndalua nga autoritetet izraelite së bashku me pjesëmarrësit e tjerë.
Sipas informacioneve zyrtare, Baki Goxhaj është transferuar në Izrael. Ambasada e Republikës së Shqipërisë në Tel Aviv mban kontakte të vazhdueshme me autoritetet izraelite dhe do të zhvillojë së shpejti një takim me të.
Qëllimi i takimit është t’i ofrohet atij asistenca e nevojshme konsullore dhe të sigurohet kthimi sa më i shpejtë dhe i sigurt në Shqipëri.