Kryetari i Partisë Demokratike të Kosovës (PDK), Bedri Hamza, ka kërkuar rinumërim të plotë të votave në të gjithë Kosovën. Kjo deklaratë erdhi më 19 janar 2026, pas zbulimit të mospërputhjeve të mëdha gjatë rinumërimit të pjesshëm të votave në disa vendvotime, sidomos në Prizren.
Hamza e cilësoi situatën si shqetësuese dhe vlerësoi se rinumërimi i plotë është hap i domosdoshëm dhe i drejtë. Në një postim në Facebook, ai shkroi: «Janë tepër shqetësuese mospërputhjet e mëdha të zbuluara gjatë rinumërimit të pjesshëm të votave. Në këto rrethana të krijuara, si kryetar i PDK-së vlerësoj se rinumërimi i plotë i votave në të gjithë Kosovën është hap i domosdoshëm dhe i drejtë. Institucionet përgjegjëse e kanë obligim kushtetues të veprojnë menjëherë për ta mbrojtur integritetin e procesit zgjedhor. Çdo vonesë apo hezitim është cenim i drejtpërdrejtë i besimit qytetar».
Sipas burimeve, rinumërimi i pjesshëm tregoi se disa kandidatë humbën vota, ndërsa të tjerëve iu shtuan, për shkak të dyshimeve për manipulime në zgjedhjet e 28 janarit 2025. Komisioni Qendror i Zgjedhjeve (KQZ) ka urdhëruar rinumërim në 28 komuna, ndërsa zëdhënësi Valmir Elezi deklaroi se varësisht nga gjetjet, mund të ketë vendim për rinumërim të mëtejshëm.
Përditësime
Komisioni Qendror i Zgjedhjeve ka rinumëruar një të tretë të vendvotimeve, ku u zbuluan dallime nga qindra deri në mijëra vota për kandidatët brenda subjekteve politike.