Kryetari i Partisë Demokratike të Kosovës dhe kandidati për kryeministër, Bedri Hamza, ushtroi të drejtën e tij të votës në procesin zgjedhor të 7 qershorit 2026. Procesi i votimit u zhvillua në shkollën "Andon Zako Çajupi" në qytetin e Mitrovicës.
Pas hedhjes së votës, Hamza iu drejtua qytetarëve me një thirrje për pjesëmarrje sa më të gjerë në votime. Ai u kërkoi qytetarëve të shfrytëzojnë këtë të drejtë kushtetuese duke votuar sipas bindjeve të tyre politike, në një atmosferë të lirë, të qetë dhe demokratike.
Në prononcimin e tij për mediat, Hamza nënvizoi rëndësinë e kësaj dite, duke shtuar se votimi i qytetarëve është përcaktues për qeverisjen dhe të ardhmen e vendit për 4 vitet e ardhshme. Gjatë qëndrimit në qendrën e votimit, kandidati për kryeministër falënderoi përfaqësuesit e medias për mbulimin e procesit, duke u uruar atyre punë të mbarë në raportimin e ditës së zgjedhjeve.