Beşiktaş refuzoi ofertën prej 5 milionë eurosh të paraqitur nga Trabzonspor për blerjen e kartonit të mesfushorit shqiptar Ernest Muçi. Kjo fundjavë është vendimtare për të ardhmen e lojtarit, pasi Trabzonspor mund të aktivizojë opsionin e blerjes deri më 10 maj.
Gazetari turk Junus Emre Sel zbuloi prapaskenat, duke theksuar se Beşiktaş synon të mbajë klauzolën kontraktuale prej 8.5 milionë eurosh. Klubi shfaqet i palëkundur dhe pretendon se për Muçin, mesfushorin me tipare sulmuese, ka shfaqur interes edhe nga klube të tjera.
Vendimi përfundimtar varet nga drejtuesit e Trabzonspor. Trajneri Fatik Teke ka dhënë miratimin e tij për transferimin.