Pas shpalljes së aktgjykimit nga Dhomat e Specializuara të Kosovës me seli në Hagë ndaj ish-krerëve të Ushtrisë Çlirimtare të Kosovës, Bekim Jashari, djali i heroit të kombit Hamëz Jashari, ka përcjellë një mesazh përmes rrjeteve sociale. Në llogarinë e tij në rrjetin social Instagram, Jashari publikoi një fotografi në të cilën shkruhet: “Rroftë Ushtria Çlirimtare e Kosovës”.
Vendimi i marrë nga gjykata në Hagë ka përfshirë dënime për katër ish-krerët e UÇK-së për krime lufte. Në shkallë të parë, Hashim Thaçi dhe Jakup Krasniqi u dënuan me nga 25 vjet burgim. Kadri Veselit iu shqiptua dënimi prej 18 vitesh heqje lirie, ndërsa Rexhep Selimi u dënua me 13 vjet burgim. Në këto dënime është llogaritur edhe koha e kaluar në paraburgim, e cila kap shifrën e gati gjashtë viteve. Ky vendim ka nxitur reagime të shumta nga qarqe të ndryshme të shoqërisë dhe skenës politike në vend.