Sokol Daci, 30-vjeçar dhe pronar i një berberhaneje në qendër të fshatit Rrilë në Lezhë, u plagos mbrëmjen e së dielës me armë zjarri. Ngjarja ndodhi rreth orës 21:00, kur autorët ndaluan një mjet para biznesit dhe hapën zjarr me breshëri plumbash.
Sipas informacioneve paraprake nga shërbimet policore, Sokol Daci nuk ishte objektivi i sulmit. Ai u godit aksidentalisht teksa ndodhej brenda berberhanes, ndërsa synimi dyshohet se ka qenë një person tjetër i pranishëm aty. Autorët u larguan menjëherë me shpejtësi nga vendngjarja.
I plagosuri pësuan tre plagë: një në shpatull, një në bark dhe një në këmbë. Ai u transportua me urgjencë në Spitalin e Traumës në Tiranë, ku ndodhet në gjendje të qëndrueshme dhe nën kujdesin mjekësor.
Drejtoria Vendore e Policisë Lezhë reagoi menjëherë pas njoftimit në sallën operative. Shërbimet policore ngritën pika kontrolli dhe po kryejnë krehjen e zonës për të identifikuar autorët. Grupi hetimor, nën drejtimin e Prokurorisë, po zhvillon veprimet për zbardhjen e plotë të rrethanave të ngjarjes.
Përditësime
5 persona të tjerë ndodheshin në berberhane gjatë ngjarjes, sipas Policisë së Shtetit.
Tre autorë dyshohet se mbërritën me një Audi A3 në Lezhë, zbritën dhe hapën zjarr.
Një efektiv policie, i pranishëm rastësisht, u kundërpërgjigj zjarrit, parandaloi atentatin dhe dha dëshmi paraprake.
Objektivi dyshohet të jetë një pjesëtar i familjes Nikulaj.
Dyshohet për një person të dytë të plagosur, që nuk është paraqitur në spital.
Gjendja shëndetësore e Sokol Dacit u përkeqësua; tani ndodhet në reanimacion në gjendje të rëndë, por me parametra stabile dhe jashtë rrezikut për jetën, konfirmon policia.
- Policia ka kryer kontrolle në banesa dhe ka shoqëruar disa persona.
- Një punonjës policie konfirmon se nuk njeh autorët dhe nuk ka konflikte.
Kamerat e sigurisë zbuluan se autorët mbërritën me dy makina: Audi me tre persona dhe Passat me të tjerët.
- Dy persona hapën zjarr.
- Hetuesit mbledhin gjurmë gjaku për analizë ADN, për të konfirmuar një plagosur tjetër.
- Katër plumba goditën dy biznese të tjera përballë berberhanës; personat shpëtuan.