Mesfushori portugez Bernardo Silva është zyrtarisht futbollisti më i ri i Real Madridit. Njoftimi është bërë nga vetë klubi spanjoll përmes një komunikate zyrtare, duke konfirmuar marrëveshjen që do ta mbajë lojtarin në stadiumin Santiago Bernabeu për dy sezonet e ardhshme.
Silva, 31 vjeç, e ka përfunduar aventurën e tij të suksesshme te Manchester City, ku gjatë periudhës së tij ka regjistruar 460 ndeshje, 76 gola dhe 77 asistime. Gjatë sezonit të fundit 2025/26 në Angli, ai u aktivizua në 53 ndeshje, duke shënuar 3 gola dhe duke dhuruar 5 asistime.
Lojtari i bashkohet gjigantit madrilen si lojtar i lirë pas skadimit të kontratës me klubin anglez. Transferimi pritet t'i shtojë eksperiencë dhe kreativitet repartit të mesfushës së Real Madridit, në prag të përfundimit të impenjimeve të tij me përfaqësuesen e Portugalisë në Botërorin 2026.
Përditësime
Bernardo Silva është zyrtarizuar si lojtar i ri i Real Madridit. Mesfushori zgjodhi madrilenët pas një ndërhyrjeje direkte nga Jose Mourinho, duke anuluar marrëveshjet që kishte avancuar më parë me Barcelonën dhe Atletiko Madridin.