Bernardo Silva ka konfirmuar largimin nga Manchester City në fund të kontratës së tij më 30 qershor, duke u bërë lojtar i lirë. Pas nëntë sezonesh suksesesh dhe 19 trofeve, mesfushori portugez, që në gusht do të mbushë 32 vjeç, po shqyrton opsione të reja.
Juventusi është në krye të garës për ta transferuar atë. Klubi italian ka nisur kontaktet me agjentin e tij, Jorge Mendes, para Pashkëve dhe ka propozuar një kontratë trevjeçare. Megjithatë, kërkesat e Silvas për pagë prej 8-9 milionë euro në vit tejkalojnë tavanin aktual të pagave në Allianz Stadium, ku Kenan Yildiz pret të fitojë rreth 7 milionë euro sezonin e ardhshëm.
Juventusi e sheh Barcelonën si kërcënim të madh, për shkak të tërheqjes së vazhdueshme që klubi katalanas ka pasur për Silvën që nga fëmijëria e tij. Kualifikimi i juventinëve në Ligën e Kampionëve shihet si faktor vendimtar për ta mundur konkurrencën. Silva ka marrë dy javë kohë shtesë për të vlerësuar ofertat.
Oferta të tjera përfshijnë ato nga MLS dhe Superliga Saudite. Mediet italiane theksojnë se ëndrra e Silvas për të luajtur te Barcelona mund të peshojë më shumë se stabiliteti financiar në Torino.