Bordi i Transparencës zhvilloi mbledhjen e parë të enjten dhe vendosi çmimet tavan për karburantet në Shqipëri. Nafta nuk do të shitet më shumë se 203 lekë për litër, ndërsa benzina jo më tepër se 175 lekë për litër, në të gjitha pikat e shitjes me pakicë.
Vendimi hyri në fuqi prej orës 18:30 dhe zbatohet urgjentisht nga të gjitha bizneset e tregtimit të hidrokarbureve, deri në mbledhjen e radhës të bordit. Prej disa ditësh, nafta tregtohej me 214 lekë për litër, ndërsa në disa raste arrinte 217 lekë për litër, në Tiranë dhe qytetet e tjera.
Rritja e çmimeve erdhi për shkak të luftës në Lindjen e Mesme. Iranianët mbyllën ngushticën e Hormuzit, duke shkaktuar krizë në tregjet globale. Kjo situatë, e lidhur me konfliktin e SHBA-së dhe Izraelit me Iranin, solli rritjen e çmimit të naftës së papërpunuar Brent, që ndikoi edhe në Shqipëri.