Kombëtarja e Brazilit ka siguruar kalimin në fazën çerekfinale të Kupës së Botës 2026, pasi mposhti Japoninë me rezultatin 2-1. Përfaqësuesja japoneze kaloi e para në avantazh me anë të Kaishu Sano, duke mbajtur një strukturë mbrojtëse të disiplinuar për pjesën më të madhe të takimit.
Barazimi për brazilianët u realizua nga Casemiro, ndërsa goli i fitores erdhi në minutat e fundit nga Gabriel Martinelli, i cili ishte aktivizuar si zëvendësues. Trajneri Carlo Ancelotti vlerësoi karakterin e skuadrës, duke theksuar se ndryshimet taktike në pjesën e dytë ishin vendimtare për të thyer mbrojtjen japoneze.
Lidhur me situatën e Neymar, tekniku italian sqaroi se nuk e aktivizoi lojtarin pasi dëshironte të ruante strukturën e skuadrës. Sipas Ancelottit, plani ishte që Neymar të futej në fushë në minutën e 105-të, nëse ndeshja do të shkonte në vazhdime. Deri në këtë fazë të turneut, 34-vjeçari ka zhvilluar vetëm 15 minuta lojë si zëvendësues në ndeshjen kundër Skocisë.