Sipas të dhënave zyrtare të INSTAT, viti 2025 ishte i pesti radhazi kur sektori bujqësor shënoi rënie të prodhimit me -1.95%, ndërsa industria mbylli vitin e dytë me tkurje -3.15%. Tkurrja vazhdon edhe në 2026, siç tregojnë eksportet e dobëta në dy muajt e parë.
Kjo ecuri sinjalizon zhvendosje të modelit ekonomik nga sektorët prodhues drejt shërbimeve, kryesisht turizmit. Ekspertët e vlerësojnë të rrezikshme varësinë nga flukset turistike, pasi ngjarje si pandemia e 2020-s kanë shkaktuar dëme të mëdha në vende si Spanja, Italia dhe Greqia. Këto vende reformuan modelet pas pandemisë duke u zhvendosur te sektorë të tjerë për të ulur rreziqet.
Pritjet e pamunuara nga turizmi
Turizmi nuk nxit bujqësinë siç pritej. Rritja e konsumit nuk ka rritur prodhimin vendas, por ka shtuar importet e lidhura me turizmin, përfshirë ushqimet.
Arsyet e krizës në bujqësi
Rënia e vazhdueshme reflekton krizë kostosh dhe fuqie punëtore. Çmimet e inputeve si plehrat kimike dhe nafta kanë ulur rentabilitetin e fermerëve të vegjël. Subvencionet qeveritare janë të ulëta, ndërsa fondet e BE-së nga IPARD mbeten të bllokuara. Emigrimi ka zbrazur zonat rurale, duke krijuar mungesë akute të krahut të punës dhe duke lënë sipërfaqe tokash të pashfrytëzuara.