I është dhënë sot lamtumira e fundit Xhemajl dhe Hasan Mustafaj, të cilët humbën jetën tragjikisht si pasojë e një goditjeje nga rryma elektrike. Ngjarja e rëndë ndodhi ndërsa të ndjerët ishin duke pastruar veturën e tyre.
Sipas informacioneve, fatkeqësia nisi kur babai u godit fillimisht nga rryma. Në përpjekje për t'i ardhur në ndihmë, i biri u godit gjithashtu, duke pësuar lëndime vdekjeprurëse. Viktimat janë dërguar fillimisht në Qendrën Kryesore të Mjekësisë Familjare (QKMF) në Deçan dhe më pas janë transferuar në spitalin e Pejës, ku mjekët konstatuan vdekjen e tyre.
Ceremonia mortore për babë e bir u organizua në fshatin Maznik të komunës së Deçanit, me fillim në orën 14:00.