Komuna e Deçanit në bashkëpunim me OVL UÇK-në do të organizojnë një seri aktivitetesh kulturore dhe përkujtimore në prag të Epopejës së Dukagjinit, një nga ngjarjet më të rëndësishme historike të rajonit.
Aktivitetet nisin në orën 12:00 në Kompleksin Memorial Dëshmorët e Kombit, ku nxënësit e shkollave fillore të Deçanit kanë përgatitur një ekspozitë, e shoqëruar me program artistik.
Në orën 15:00, në Qendrën Rinore në Deçan hapet një ekspozitë tjetër kushtuar 24 Marsit, me temën Epopeja e Dukagjinit. Kjo iniciativë synon të afrojë qytetarët me kujtesën historike dhe sakrificën e dëshmorëve.
Aktivitetet përmbyllen në orën 19:00 me një koncert klasik të organizuar nga Universiteti Haxhi Zeka. Koncerti mbahet në hollin e Gjimnazit Vëllezërit Frashëri.