Deputetja Marjana Koçeku, e cila kryesoi listën e Partisë Socialiste në qarkun e Shkodrës në zgjedhjet e fundit, ka zyrtarizuar largimin e saj nga grupi parlamentar socialist. Njoftimi vjen pas zhvillimeve të protestave masive që po mbahen në vend kundër qeverisë.
Pas ndarjes nga grupi parlamentar, Koçeku ka konfirmuar rreshtimin e saj në mbështetje të protestës përmes një postimi në rrjetet sociale. Ajo ka përdorur imazhin e një flamengoje, simbol i cili është lidhur me lëvizjen që kërkon dorëheqjen e kryeministrit Edi Rama dhe kabinetit të tij, e njohur ndryshe si "Revolucioni i Flamingove".
Ky veprim shënon rastin e parë të një deputeteje të mazhorancës që braktis grupin parlamentar socialist gjatë kësaj periudhe protestash. Pas lajmit për largimin e saj, kanë reaguar edhe strukturat socialiste me akuza ndaj deputetes, ndërkohë që veprimi i saj është pritur me entuziazëm nga protestuesit.