Deputetja Marjana Koçeku ka marrë pjesë në protestën e zhvilluar në kryeqytet, duke konfirmuar distancimin e saj nga Partia Socialiste. Ky veprim pason njoftimin e saj të bërë më 14 qershor, përmes të cilit deklaroi se po shkëputej nga shumica parlamentare që e kishte mbështetur në zgjedhje. Me largimin e saj, grupi parlamentar i Partisë Socialiste mbetet me 82 deputetë.
Një ditë pas shpalljes së vendimit për t'u shpallur deputete e pavarur, Koçeku publikoi në rrjetet sociale simbolin e flamingos, që shërben si shenjë identifikuese për protestat që po zhvillohen prej disa javësh në Tiranë dhe qytete të tjera të vendit. Pjesëmarrjen e saj në tubim, deputetja e ka shoqëruar me komentin: “Në tribunën më të bukur të demokracisë”.
Përveç zhvillimeve politike, Koçeku ka qenë në qendër të vëmendjes edhe për shkak të denoncimeve të saj të fundit. Ajo ka raportuar publikisht se ka marrë kërcënime me jetë, të cilat, sipas saj, janë të lidhura me anëtarë të fisit Bajri, si pasojë e qëndrimeve të saj politike.