Diella, ministrja e parë e krijuar me inteligjencë artificiale, ka fituar çmimin Future Fit Seal – Global Edition Award në samitin e Qeverive Botërore në Dubai.
Ajo u vlerësua për modelin inovativ të qeverisjes digjitale dhe për përdorimin e inteligjencës artificiale në shërbimet publike. Kjo nismë rrit transparencën, efikasitetin dhe përmirëson shërbimet për qytetarët.
Lajmi u bë i ditur nga Ministrja e Ekonomisë dhe Inovacionit, Delina Ibrahimaj, e cila theksoi se ky është një vlerësim ndërkombëtar për Shqipërinë. Ai shënon një hap drejt modernizimit të administratës publike duke përdorur teknologjinë për të përmbushur nevojat e qytetarëve.
Shqipëria u bë vendi i parë në botë që emëron një ministre të tillë në mandatin e ri qeverisës Rama 4. Diella është cilësuar nga vendet ndërkombëtare si një vizion që ofron shërbime publike më të shpejta dhe më gjithëpërfshirëse.