Një veturë u përfshi nga zjarri në qendër të Gjakovës gjatë orëve të para pas mesnate.
Brigada e Zjarrfikësve Gjakovë njoftoi se njësitet e saj dolën menjëherë në vendngjarje. Ato lokalizuan dhe shuan zjarrin në kohë, duke parandaluar përhapjen e tij dhe shmangur rrezikun për qytetarët dhe pronën përreth.
Nuk raportohet për të lënduar në këtë ngjarje. Janë shkaktuar vetëm dëme materiale në veturë.
“Gjatë orëve të para pas mesnate, në qendër të qytetit, një veturë është përfshirë nga flakët. Njësitet e Brigadës së Zjarrfikësve kanë dalë menjëherë në vendin e ngjarjes, ku kanë intervenuar duke lokalizuar dhe shuar zjarrin në kohë, me qëllim të parandalimit të përhapjes së tij dhe shmangies së rrezikut për qytetarët dhe pronën përreth”, thuhet në njoftimin e tyre.