Dogana e Kosovës ka njoftuar se më 14 shkurt 2026, gjatë një kontrolli rutinë në hyrje të pikës kufitare Merdare, ka ndaluar për verifikim një automjet me targa të huaja. Automjetin drejtonte një shtetas i huaj me vendbanim në Kosovë.
Gjatë kontrollit të detajuar, të zhvilluar në bashkëpunim me Policinë Kufitare, janë zbuluar mjete monetare të padeklaruara në shumën totale prej 15.915 euro dhe 36.780 dinarë serbë.
- Në një çantë beli: 15.450 euro dhe 31.650 dinarë serbë.
- Në kuletë: 465 euro dhe 5.130 dinarë serbë.
Në përputhje me legjislacionin në fuqi, është bërë konfiskimi i përkohshëm i 25% të shumës së padeklaruar, që përbën 4.055 euro. Rasti është trajtuar sipas procedurave ligjore dhe institucionet kompetente janë njoftuar për veprime të mëtejme.