Dogana e Kosovës ka vazhduar kontrollet kundër kontrabandës me mallra, me fokus në sektorin e barnave. Më 5 shkurt 2026, njësitë e antikontrabandës zhvilluan një aksion në Ferizaj, ku gjatë kontrolleve në një poliklinikë private dhe një barnatore sekuestruan barna pa banderola të Republikës së Kosovës.
Gjatë operacionit, u zbulua një hapësirë e fshehtë (bunker) në bodrumin e poliklinikës, e kamufluar si dhomë për rrezatime rentgen. Aty u gjetën dhe sekuestruan 1.099 pako barnash, me vlerë të përgjithshme mbi 30 mijë euro, sipas specifikacionit zyrtar pas evidentimit nga agjencitë kompetente.
Ndër barnat e sekuestruara përfshihen:
- Nexium
- Jardiance
- Xarelto
- Janumet
- Primolut
- Microgynon
- Cyclo-Progynova
- Sintrom
- Euthyrox/Eutirox
- No-Spa
- Ponstan
- Diane
- barnë të tjera.
Rasti ndodhet në procedurë të mëtejme ligjore. Dogana e Kosovës thekson përkushtimin për parandalimin e qarkullimit ilegal të barnave dhe mbrojtjen e shëndetit publik, në koordinim me institucionet relevante.