Policia e Kosovës, konkretisht Njësia e Task Forcës-DRK Jug, më 5 maj 2026 ka sekuestruar një sasi të madhe mallrash të kontrabanduara në një depo në qytetin e Ferizajt.
Veprimet janë ndërmarrë pas pranimit të informacioneve për depon e dyshuar. Një person mashkull kosovar është identifikuar si i dyshuar për shfrytëzimin e depos për vendosjen e këtyre mallrave, të cilat dyshohen se janë kontrabanduar përmes rrugëve ilegale nga Maqedonia e Veriut në Republikën e Kosovës.
Pas sigurimit të urdhërit verbal të prokurorit kompetent, është kryer kontrolli në lokacion. Janë sekuestruar:
- 800.4 kg duhan i përpunuar;
- 94 kg mjaltë;
- 30.4 kg ambalazh i plastikës;
- 178 kg ambalazh i letrës;
- një makinë për përpunim të duhanit;
- një makinë për përpunim të ambalazhit;
- një spërkatëse e ujit për spërkatje të duhanit.
Vlera e përafërt e mallrave është rreth 16.500 euro, ndërsa akciza dhe shmangiet doganore vlerësohen në rreth 34.000 euro. Pas veprimeve policore, mallrat janë kaluar te Dogana e Kosovës për procedura të mëtejshme.