Mohamed Salah do t'i japë lamtumirën Liverpoolit në fund të këtij sezoni, duke prishur kontratën e nënshkruar një vit më parë.
Ndarja është bërë e pashmangshme pas përplasjes publike të sulmuesit me trajnerin Slot dhe drejtuesit e klubit. Kjo ka nxitur interesin e klubeve të mëdha evropiane për egjiptianin.
Ibrahim Hassan, drejtori i ekipit kombëtar të Egjiptit, deklaroi se Salah ka marrë oferta nga Paris Saint-Germain, Bayern Munich dhe klube nga Italia. Në një intervistë për ON Sport, ai shprehu preferencën që ylli të vazhdojë karrierën në Evropë.
Hassan paralajmëroi se një transferim në MLS do ta largonte Salah-un nga vëmendja mediatike. “Një kalim në MLS? Ai do të ishte larg vëmendjes. Nuk do ta mbani mend më shumë se sa unë kujtoj Lionel Messi tani”, tha ai.
Si alternativë, nëse oferta evropiane nuk konkretizohen, Hassan përmendi Arabinë Saudite, ku luajnë yje si Cristiano Ronaldo. Megjithatë, agjenti i Salah-ut, Ramy Abbas Issa, kërkoi kujdes ndaj spekulimeve. “Nuk e dimë ende se ku do të luajë Mohamed sezonin e ardhshëm. Kjo do të thotë se askush tjetër nuk e di”, deklaroi ai.
Salah mbetet një nga emrat më të rëndësishëm të futbollit botëror, pavarësisht një sezoni jo në nivelin e zakonshëm.