Në Korçë, më 13 prill 2026, një e moshuar që jetonte e vetme u shpëtua pas intervenimit të policisë dhe forcave zjarrfikëse.
Ngjarja ndodhi pas ankesës së komshiut për tavanin e lagur. Fqinjët, të cilët kishin humbur kontaktin me të moshuarën për dy ditë, u përpoqën ta kontaktonin. Kur nuk ia dolën, lajmëruan menjëherë policinë.
Forcat zjarrfikëse hapën derën e banesës dhe e gjetën të moshuarën të shtrirë në dush, ku nuk mund të lëvizte për shkak të sëmundjeve të kockave dhe sklerozës. Ajo kishte mbetur aty për dy ditë.
E moshuara u dërgua në Spitalin Rajonal të Korçës, ku trajtohet për dëmtime të ndryshme. Burime nga spitali bëjnë me dije se ajo ndodhet jashtë rrezikut për jetën.