Nancy VanHorn, E Ngarkuara me Punë e Ambasadës së SHBA-së në Tiranë, dhe Reinout Vos, ambasadori i Holandës në Tiranë, vizituan Fushën e Gazit në Delvinë javën e kaluar.
Vizita u zhvillua për të eksploruar mundësitë në sektorin energjetik të Shqipërisë, siç njofton Ambasada e SHBA-së në Tiranë në një postim në rrjetet sociale.
Ambasada thekson se Presidenti Trump po nxit një epokë të re rritjeje të prodhimit energjetik amerikan, me investimet amerikane që forcojnë sigurinë energjetike globale. Gjithashtu, nënvizon rëndësinë e një mjedisi rregullator transparent për tërheqjen e investimeve ndërkombëtare.
Postimi i plotë i Ambasadës së SHBA-së në Tiranë:
"Presidenti Trump po nxit një epokë të re të rritjes së prodhimit energjetik amerikan, me investimet amerikane që forcojnë sigurinë energjetike globale. Duke theksuar rëndësinë e një mjedisi rregullator transparent për tërheqjen e investimeve ndërkombëtare, e Ngarkuara me Punë Nancy VanHorn dhe Ambasadori holandez Reinout Vos vizituan Fushën e Gazit në Delvinë javën e kaluar për të eksploruar mundësitë në sektorin energjetik të Shqipërisë."
Përditësime
Delvina Gas Company zotërohet nga biznesmeni Sokol Meqemeja.
Verën e kaluar, policia kryer një raid në kompani, arrestoi inxhinierë dhe shpalli në kërkim Meqemejën dhe administratorin.
Qeveria e akuzoi për ndërtimin e një termocentrali pa leje; kompania e kundërshtoi, duke e cilësuar si impiant pastrimi gazi.
Prokuroria rrëzoi akuzat si të pabazuara.