Policia e Kosovës ka njoftuar se më 24 mars 2026 ka realizuar ekstradimin e shtetasit kosovar me inicialet S.N. nga Gjermania në Kosovë.
Ekstradimi u krye nga Drejtoria për Bashkëpunim Ndërkombëtar Policor, në koordinim me njësitë e tjera të policisë dhe institucionet e drejtësisë kosovare, si dhe me autoritetet gjermane.
I dyshuari S.N. ishte arrestuar nga autoritetet gjermane, pasi kërkohej përmes INTERPOL-it me letër rreshtim ndërkombëtar të lëshuar nga institucionet e drejtësisë së Kosovës. Ai akuzohet për veprën penale të grabitjes dhe i ishte shmangur drejtësisë.
Pas mbërritjes në Kosovë, S.N. u dorëzua në njësitë përkatëse të policisë së rajonit të Mitrovicës, ku do të vazhdojnë procedurat ligjore të mëtejshme.
Policia e Kosovës theksoi se ky ekstradim u bë i mundur falë bashkëpunimit ndërkombëtar me institucionet gjermane.