Policia e Kosovës, përmes Drejtorisë për Bashkëpunim Ndërkombëtar Policor, ka përfunduar procesin e ekstradimit të shtetasit kosovar të identifikuar si Sh.H., i cili ndodhej në Gjermani. Ky operacion u mundësua pas një bashkëpunimi të ngushtë ndërinstitucional mes autoriteteve të Republikës së Kosovës dhe atyre gjermane.
Shtetasi Sh.H. ishte shpallur në kërkim ndërkombëtar nëpërmjet INTERPOL-it, bazuar në një letër-rreshtim të lëshuar nga institucionet e drejtësisë së Kosovës. Ai akuzohet për kryerjen e veprës penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”.
Pas ekstradimit, i dyshuari iu dorëzua njësiteve përkatëse të policisë në rajonin e Prishtinës, ku do të zhvillohen procedurat e mëtejshme ligjore në përputhje me legjislacionin në fuqi. Operacioni i ekstradimit u realizua gjatë ditës së enjte, më 9 tetor 2026.