Policia e Kosovës, me njësitë e saj nga Drejtoria për Bashkëpunim Ndërkombëtar Policor, në koordinim me njësitë e tjera policore dhe institucionet e drejtësisë, ka kryer më 7 maj 2026 ekstradimin e një shtetasi maqedonas nga Kosova në Maqedoninë e Veriut.
I dyshuari ishte arrestuar më parë nga policia kosovare, pasi kërkohej përmes INTERPOL-it me letërreshtim ndërkombëtar të lëshuar nga autoritetet gjyqësore të Maqedonisë së Veriut. Veprimtaria penale është "posedimi i paautorizuar, shpërndarja dhe shitja e substancave narkotike".
Ekstradimi u bazua në ligjet në fuqi dhe bashkëpunimin e ngushtë mes institucioneve të Republikës së Kosovës dhe Maqedonisë së Veriut.
Policia e Kosovës ka njoftuar se do të vazhdojë shkëmbimin e informacioneve me institucionet vendore, shtetet dhe organizatat ndërkombëtare për parandalimin, hetimin dhe zbulimin e aktiviteteve kriminale, si dhe gjurmimin, kapjen dhe arrestimin e personave dhe grupeve kriminale brenda dhe jashtë vendit.